Martxan da IPARRAGIRRE Rock & Rally II. Tramoa

Ekainaren 14, zapatua, Gernikan ospatuko den jaialdirako gero eta gutxiago falta da eta egun handi horretarako egitaraua prestatzen dihardugu jadanik.

Arratsaldetik gaueraino luzatuko den jaialdi honetan bost talde arituko dira eskenatoki gainean Hasteko, BULLETS OF MISERY Gernikatik datorren talde berria izango dugu, nahiz eta partaideen artean Eutanasia edota Effectus taldeetako kideak aurkitu ditzakegun. Nahasketa bortitzekin eginiko koktel indartsuarekin emango diogu hasiera jaialdiari.

BERTAN BERA, azken aldian Gernika eta inguruak astintzen dabilen talde gaztea dugu. Musika eta erritmo alaiak, jarraipena emango diote jaialdiari. Ostean etorriko direnak dira THE AUAMBASekoak. Beraien lehen maketa atera zuenetik hainbat eta hainbat kontzertu eskeini dituzte, Euskal Herria nahiz gure mugetatik kanpo. Busturialdeko kidez osatutako laukote honek, musika dantzagarria eskeiniko digu.

MEMORIA DE PEZ taldeak bere lehen diskoa kaleratu du eta Gernikan aurkezteko irrikitan daudela ezin uka dezakegu. Doinu rockeroak eta zuzeneko indartsuak definitzen du laukote hau. Eta bukatzeko GATIBU Gernikarren kontzertua izango dugu.


///Loturak

+ Laster jaialdiari buruzko informazio gehiago sartuko dugu!